Ранее развитие -это весело!

Баланың беренче авазлары, иң беренче сүзе-һәр ата-ана өчен шатлыклы вакыйга. Аның “әннә”, “әттә”, “мәммә” кебек сүзләренә куанып, түземсезләнеп башкаларын көтә башлыйбыз. Гадәттә, алары да озак көттерми. Дөньяны танып белү юлында бала һәр көн яңа сүзләр өйрәнеп ,2-3 яшьләренә инде җөмлә төзеп сөйләшә башлый.Билгеле, авазларны ул үзенчә әйтергә мөмкин, ләкин сөйләм үсеше тиешенчә барганда, бала 5 яшенә ана телендәге барлык авазларны үзләштереп бетерә.